قلت أعمل موز باللبن
وطبعا الموز باللبن ده مش زي الموز باللبن إللي أنتو ممكن تشربوه في حياتكم
الموز باللبن ده .... خلاصة بهاريز دماغي أنا ومحي
قبل يوم الفيلد .... محي أفتكر أن والده قال قبل كده في سياق كلامه أن الموز باللبن لما يتحط عليه عسل بيقوي الذاكرة
جيبنا الآتي ....
4 موزات مستويين وزي الفل
2 كيس فانيليا ( أنا بالمناسبة يا محي ... كل مرة بحط باكويين مش باكو 
)
700 جم لبن جهينة
معلقة عسل نحل كبيرة
معلقتين سكر
ضربنا المكونات ديه كلها في الخلاط .... وبجد كان أروع موز بالبن شربته في حياتي
النهاردة بقه .... هفت عليا فكرة الموز باللبن ....
المهم حطيط موزتين في الخلاط ..... وكل المكونات ..... جيت على اللبن ..... مالقيتش لبن يكفي نص كباية صغيرة
قلت .... أنا لسة حنزل أولاد رجب ..... وأهز طولي المشوار ده .... على شان أجيب لبن ؟؟
الحاجة أم الإختراع .... ( بتسلم عليكو ... هي هي هي .... ما علينا )
قلت طب أجرب أحط ماية وأخفف اللبن بحيث أكتر من كمية السائل المضاف !
لقيت اللبن بقى لونه شفاف خالص وشكله يقرف
جالي إحباط طبعا ..... وقلت إيه العك إللي أنا بعمله ده !
وإذ بي ألتفت إلى الرف العلوي من المطبخ ..... وأعثر على كنز ..... مبيض نيسكافيه
مش عارف .... هوا غالبا ماما كانت جايباه من سنة 1998 ..... بس قلت وماله ..... نحطه
حطيطه .... ضربته في الخلاط .... صبيته .....شريبته .... تفيته .... دلقته .... تمت
