أعتقد أنه من ضمن المواقف التي لا يمكن أن أنساها في حياتي أمتحان الثيرمو في سنة تانية ( أول ) 
وأعتقد أيضا أن أنا حكيت الموقف ده كتير أوي أوي أوي !
ولكن في رأيي أنه موقف يستحق أن يسجل في ذاكرة التاريخ !
على الأقل في ذكرياتي أنا !
أنا لغاية دلوقتي فاكر اليوم ده !
وفاكر حجم القهرة إللي أتقهرتها اليوم ده !
طبعا كلكم عارفين أن كان من طقوس الأورال في الثيرمو أن الواحد يخش بكشكوله ويوريه للدكتور
!
ولما عرض عليا شخص ما ( ربنا يكرمه يا رب ) أني اخش بكشكوله ... بدل لما أنقل المحاضرات ... أنا رفضت .... لأني حسيت أني كدة مش حنجح بمجهودي ....طبعا أنا من النوع إللي نادرا ما بحضر .... ولما بحضر مش بكتب ... فلكم أن تتخيلوا ( وأنا في عز عزالي من الهرم للمقطم ) أني أنقل المنهج كله((من واحد واخد ( إيه ) في المحاضرات)) في والله أكتر من 7 ساعات على لمبة صفراء !
ماعلينا
رايح الكلية من الساعة 11 الصبح على أساس أن هما سؤالين ونخلص من الليلة ديه !
فضلت قاعد في الجامع مع حبيب قلبي الواد أسامة حسين وقاعدين نفتي أنا وهوا ونحاول أن ننقذ ما يمكن إنقاذه !
كل شوية نسأل على الناس إللي قبلنا .... مافيش حد طلع !
الناس قاعدة تخش .... محدش بيطلع !
الظهر أذن .... برضه يخشوا .... محدش يطلع
!
طبعا أنا وأسامة حسين قاعدين على أعصابنا .... الناس ديه بتروح فين وبيتعمل فيها إيه !
أتصل بالناس إللي قبلينا في الترتيب .... لسة مادخلوش عشان إللي قبليهم دخلوا ولسة ماطلعوش !
العصر يؤذن .... والناس بتخش ومش بتتطلع !
وأنا قاعد على لحم بطني من الصبح .... وكل إللي بناكله شيتوس لغاية لما جالنا حموضة !
المغرب يؤذن .... ولسة دورنا ماجاش
!
قبل أذان العشاء .... يجي مثلا بتلت ساعة .... الناس إللي قبلينا دخلوا !
المهم روحنا المبني إللي بنمتحن فيه ... طبعا مافيش حد في الكلية .... مافيش حد في المبنى ... لدرجة أني كنت قاعد بتريق مع أسامة وأقوله " أنا حاسس أن دراكولا حيطلع لينا دلوقتي "
المهم !
واقفين على باب الدكتور زي الشحاتين .... فبسأل واحد ... هوا مين إللي حيمتحنا؟
فراح مشاورلي على أسم الدكتور !
والله ما عرفت أقرأ إسمه !
كان أسمه " ريتشار جان ميشيل ميسيحة
"
طبعا ناهيك عن التعليقات الفظيعة إللي كنت بسمعها تريقة على الإسم ... وإستفسارات عن الحملات الصليبية .....
ما علينا ( وربنا إللي عالم أنا عايز أقوله )
المهم ...
أنا قلت بقى لما حد حيسألني مين إللي أمتحنك أكيد حنسى أسم الدكتور !
روحت كاتب إسمه على ضهر الكشكول !
وأتنده أسمينا ودخلنا وأنا أعصابي سايبة !
أنا كنت قاعد تالت واحد !
الدكتور راح سأل أول واحد وتاني واحد ورابع واحد ونفضلي !
قولت مش مشكلة !
بعد يجي 10 دقائق أو تزيد أكتشف نظرية إن أنا موجود فراح سألني :
أنت أسامة ميخائيل ؟
قلتله : لاء أنا أسمي ( أبقى عبيط لو كتبت إسمي بالكامل هنا )
قالي : طب بدل مع إللي جنبك !
بدلنا ... وهوا منفضلي تماما !
بعد شوية قالي : هوا أنا سألتك ؟
قولتله لاء
قالي طب أرسملي دايرة مش عارف إيه ووريني محاضراتك !
إديته الكشكول وأنا فاتح على المحاضرات ... وقعدت أسأل ربنا أنه يلهمني الذاكرة على شان أفتكر الدايرة !
بعد شوية لقيته بيزعق ...
مين عم الدايس ده ؟؟ إيه فوزية ديه ؟؟
أنا طبعا الدنيا أسودت في وشي ... الله يخرب بيت عم الدايس ... إيه إللي جابوا هنا ؟؟؟ 
طبعا بصيت وأنا عامل زي الأموات .... لقيت الدكتور فاتح أخر صفحة في الكشكول .... الكشكول ده كنت دايما بحب أكتب فيه خواطري وأفكاري لما كنت ساكن في الهرم ... فاكنت بكتب كل الأفكار إللي بتجيلي وأنا مروح في السي تي إيه ..... آيات قرانية مزخرفة ..... طبعا مأساة عم الدايس ... عم الدايس والرومانسية .... الإنتخابات البرلمانية ... الإخوان المسلمين ....!
طبعا وأنا في دهاليز السؤال بتاعه هوا ألقى بنظرة سريعة على الدرافت إللي كنت بكتبه !
قلتله وأنا مش عارف أجمع كلمتين على بعض "اااء ... اه لا ..... حضرتك .... الـ ..... محـ .... المحاضـ... ـرااات ..... أأ .... هيه
"
لقيته بيزعق وبقولي " وكمان كاتب إسمي على ضهر الكشكول ؟؟ أنت ناوي تضرني ولا إيه ؟؟ حتعملي إيه يعني "
أنا طبعا كنت على وشك البكاء من الغيظ ( إن لم أكن قد بكيت فعلا ) وقلتله فيما معناه ( عشان أوفر عليكم معاناة فهم العبارة ) " يادكتور ... أنا كنت كاتب إسم حضرتك على الكشكول على شان حد لما يسألني مين إللي أمتحنك أقوله "
طبعا محبتش أضيف " لأني مش عارف أقرا إسمك "
طبعا بص على المحاضرات .... مسك أول ورقة وأخر ورقة ... وقالي هما دول بس ؟؟؟
وراح مديني سي !
هوا بالكيلو ؟
أنا ناقل المحاضرات ديه والله العظيم من واحد واخد إيه .... ولم أكتف بذلك ... وجيبت محاضرات إللي كانت في الإسراء ( بتاعت توفيق على ما أعتقد ) وزودت في محاضرات الواد على أساس أني أزود الكمية !
والله كان نفسي حتى يبص عليها !
ده بص بنظام الكيلو ... هما دول بس ... طب خد سي !
وواحد كان داخل معايا وناقل برضه ( مش أسامة حسين ) وورق زي الزفت ومش مرتب وخد بي !!
طبعا أنا كنت حاسس بحرارة في دماغي ووالله فعلا كل شوية أتخيل نفسي وأنا بزعق .... بس ماسك نفسي ... وقاعد أقول ركز في السؤال إللي أتسألته
المهم رسمت الدايرة ... فقالي " هيا كدة صح "
قلتله " لاء .... في حاجة ناقصة هنا "
قالي " إيه ؟ "
قلتله " حضرتك أنا لو كنت فاكرها كنت كتبتها من غير ماتقول"
راح مرجعلي الورقة ... وقالي فكر شوية !
بعد شوية أديته الورقة وقلتله مش عارفها !
قالي " شكلك مش بتحضر محاضرات "
صراحة أنا الروح كانت بلغت الحلقوم وكنت مفروس فرسة صعبة أوي .... يعني الدكتور مش دكتور مادتي .... لو أنا بحضر كل يوم ومعرفتش أجاوب هوا حيعرف إزاي ... ولو أنا مش بحضروجاوبت ... برضه حيعرف إزاي ؟
قعد بقى يزعق فيا ويقولي بأسلوب تحدي" أسألك في إيه ... قلي حاجة مذاكرها أسألك فيها "
أنا : " أء .... اه .... أي حاجة ... بس براحة عليا "
لقيته راح قاعد وحط وسند دقنه على إيده وقايلي " أسألك في إيه "
قلتله " الهيت إنجينز "
قالي " بس كدة .... إرسملي الإنديكاتور دياجرام "
اللذيذ في الموضوع أني رسمته ( لأن فانكي كانت قالتلي عليه )
قالي " طب إشرحه "
قلتله " هنا ؟ ( وبشاور على الورقة ) "
قالي " لاء بكرة "
بكرة ؟؟
هيا العملية ناقصة ؟
قعدت أشرح فيه ... وأفتي وأزوق وأخترع ... المهم سلمته الورقة راح راميها على الطرابيزة والله العظيم وقالي أشرحهولي بقى تاني !!
أنا طبعا ماقلتش جملة مفيدة من كتر التوتر .... نظام " أصل لما البتاع ده بيطلع لفوق ... يقوم البتاعة ديه فاتحة ... عشان البتاع يطلع من الشكمان "
طبعا هوا قالي " بااااس كدة ... أنت أسمك إيه "
أنا : " فلان الفلاني "
هو " طب بالسلامة "
طبعا وأنا ماشي ألقيت نظره على درجتي ... غالبا كان مديني سي أس جاما .... حيث جاما تئؤول إلى سالب مالا نهاية
وأنا والله ما أعصابي فلتت بعد الإمتحان وقعدت أزعق وأتنطط بعد الإمتحان وربنا يكرمه أحمد العزب إللي قعد يهدي فيا ويقولي معلش ويواسيني !
بغض النظر عن الموقف أنا ساعتها كنت حاسس بإيه !
بس كان موقف سوبر مسخرة !
ولغاية دلوقتي أنا محتفظ بالكشكول ده .... بس بقيت نبيه .... وأعدمت كل ما يتعلق بعم الدايس في الطبيعة !
لأن عم الدايس نهايته أن يؤول إلي ( سي ) ....
وأعتقد أيضا أن أنا حكيت الموقف ده كتير أوي أوي أوي !
ولكن في رأيي أنه موقف يستحق أن يسجل في ذاكرة التاريخ !
على الأقل في ذكرياتي أنا
!أنا لغاية دلوقتي فاكر اليوم ده !
وفاكر حجم القهرة إللي أتقهرتها اليوم ده !
طبعا كلكم عارفين أن كان من طقوس الأورال في الثيرمو أن الواحد يخش بكشكوله ويوريه للدكتور
!ولما عرض عليا شخص ما ( ربنا يكرمه يا رب ) أني اخش بكشكوله ... بدل لما أنقل المحاضرات ... أنا رفضت .... لأني حسيت أني كدة مش حنجح بمجهودي ....طبعا أنا من النوع إللي نادرا ما بحضر .... ولما بحضر مش بكتب ... فلكم أن تتخيلوا ( وأنا في عز عزالي من الهرم للمقطم ) أني أنقل المنهج كله((من واحد واخد ( إيه ) في المحاضرات)) في والله أكتر من 7 ساعات على لمبة صفراء
!ماعلينا
رايح الكلية من الساعة 11 الصبح على أساس أن هما سؤالين ونخلص من الليلة ديه
!فضلت قاعد في الجامع مع حبيب قلبي الواد أسامة حسين وقاعدين نفتي أنا وهوا ونحاول أن ننقذ ما يمكن إنقاذه !
كل شوية نسأل على الناس إللي قبلنا .... مافيش حد طلع !
الناس قاعدة تخش .... محدش بيطلع !
الظهر أذن .... برضه يخشوا .... محدش يطلع
!طبعا أنا وأسامة حسين قاعدين على أعصابنا .... الناس ديه بتروح فين وبيتعمل فيها إيه
!أتصل بالناس إللي قبلينا في الترتيب .... لسة مادخلوش عشان إللي قبليهم دخلوا ولسة ماطلعوش !
العصر يؤذن .... والناس بتخش ومش بتتطلع
!وأنا قاعد على لحم بطني من الصبح .... وكل إللي بناكله شيتوس لغاية لما جالنا حموضة !
المغرب يؤذن .... ولسة دورنا ماجاش
!قبل أذان العشاء .... يجي مثلا بتلت ساعة .... الناس إللي قبلينا دخلوا !
المهم روحنا المبني إللي بنمتحن فيه ... طبعا مافيش حد في الكلية .... مافيش حد في المبنى ... لدرجة أني كنت قاعد بتريق مع أسامة وأقوله " أنا حاسس أن دراكولا حيطلع لينا دلوقتي
"المهم !
واقفين على باب الدكتور زي الشحاتين .... فبسأل واحد ... هوا مين إللي حيمتحنا؟
فراح مشاورلي على أسم الدكتور !
والله ما عرفت أقرأ إسمه !
كان أسمه " ريتشار جان ميشيل ميسيحة
"طبعا ناهيك عن التعليقات الفظيعة إللي كنت بسمعها تريقة على الإسم ... وإستفسارات عن الحملات الصليبية .....
ما علينا ( وربنا إللي عالم أنا عايز أقوله
)المهم ...
أنا قلت بقى لما حد حيسألني مين إللي أمتحنك أكيد حنسى أسم الدكتور
!روحت كاتب إسمه على ضهر الكشكول
!وأتنده أسمينا ودخلنا وأنا أعصابي سايبة !
أنا كنت قاعد تالت واحد !
الدكتور راح سأل أول واحد وتاني واحد ورابع واحد ونفضلي
!قولت مش مشكلة !
بعد يجي 10 دقائق أو تزيد أكتشف نظرية إن أنا موجود فراح سألني :
أنت أسامة ميخائيل ؟
قلتله : لاء أنا أسمي ( أبقى عبيط لو كتبت إسمي بالكامل هنا
)قالي : طب بدل مع إللي جنبك !
بدلنا ... وهوا منفضلي تماما !
بعد شوية قالي : هوا أنا سألتك ؟
قولتله لاء
قالي طب أرسملي دايرة مش عارف إيه ووريني محاضراتك !
إديته الكشكول وأنا فاتح على المحاضرات ... وقعدت أسأل ربنا أنه يلهمني الذاكرة على شان أفتكر الدايرة
!بعد شوية لقيته بيزعق ...
مين عم الدايس ده ؟؟ إيه فوزية ديه ؟؟
أنا طبعا الدنيا أسودت في وشي ... الله يخرب بيت عم الدايس ... إيه إللي جابوا هنا ؟؟؟
طبعا بصيت وأنا عامل زي الأموات .... لقيت الدكتور فاتح أخر صفحة في الكشكول .... الكشكول ده كنت دايما بحب أكتب فيه خواطري وأفكاري لما كنت ساكن في الهرم ... فاكنت بكتب كل الأفكار إللي بتجيلي وأنا مروح في السي تي إيه ..... آيات قرانية مزخرفة ..... طبعا مأساة عم الدايس
... عم الدايس والرومانسية .... الإنتخابات البرلمانية ... الإخوان المسلمين ....!طبعا وأنا في دهاليز السؤال بتاعه هوا ألقى بنظرة سريعة على الدرافت إللي كنت بكتبه !
قلتله وأنا مش عارف أجمع كلمتين على بعض "اااء ... اه لا ..... حضرتك .... الـ ..... محـ .... المحاضـ... ـرااات ..... أأ .... هيه
"لقيته بيزعق وبقولي " وكمان كاتب إسمي على ضهر الكشكول ؟؟ أنت ناوي تضرني ولا إيه ؟؟ حتعملي إيه يعني "
أنا طبعا كنت على وشك البكاء من الغيظ ( إن لم أكن قد بكيت فعلا
) وقلتله فيما معناه ( عشان أوفر عليكم معاناة فهم العبارة ) " يادكتور ... أنا كنت كاتب إسم حضرتك على الكشكول على شان حد لما يسألني مين إللي أمتحنك أقوله "طبعا محبتش أضيف " لأني مش عارف أقرا إسمك
"طبعا بص على المحاضرات .... مسك أول ورقة وأخر ورقة ... وقالي هما دول بس ؟؟؟
وراح مديني سي !
هوا بالكيلو ؟
أنا ناقل المحاضرات ديه والله العظيم من واحد واخد إيه .... ولم أكتف بذلك ... وجيبت محاضرات إللي كانت في الإسراء ( بتاعت توفيق على ما أعتقد
) وزودت في محاضرات الواد على أساس أني أزود الكمية !والله كان نفسي حتى يبص عليها !
ده بص بنظام الكيلو ... هما دول بس ... طب خد سي
!وواحد كان داخل معايا وناقل برضه ( مش أسامة حسين ) وورق زي الزفت ومش مرتب وخد بي !!
طبعا أنا كنت حاسس بحرارة في دماغي ووالله فعلا كل شوية أتخيل نفسي وأنا بزعق .... بس ماسك نفسي ... وقاعد أقول ركز في السؤال إللي أتسألته
المهم رسمت الدايرة ... فقالي " هيا كدة صح "
قلتله " لاء .... في حاجة ناقصة هنا "
قالي " إيه ؟ "
قلتله " حضرتك أنا لو كنت فاكرها كنت كتبتها من غير ماتقول
"راح مرجعلي الورقة ... وقالي فكر شوية !
بعد شوية أديته الورقة وقلتله مش عارفها !
قالي " شكلك مش بتحضر محاضرات "
صراحة أنا الروح كانت بلغت الحلقوم وكنت مفروس فرسة صعبة أوي .... يعني الدكتور مش دكتور مادتي .... لو أنا بحضر كل يوم ومعرفتش أجاوب هوا حيعرف إزاي ... ولو أنا مش بحضروجاوبت ... برضه حيعرف إزاي ؟
قعد بقى يزعق فيا ويقولي بأسلوب تحدي" أسألك في إيه ... قلي حاجة مذاكرها أسألك فيها "
أنا : " أء .... اه .... أي حاجة ... بس براحة عليا "
لقيته راح قاعد وحط وسند دقنه على إيده وقايلي " أسألك في إيه "
قلتله " الهيت إنجينز "
قالي " بس كدة .... إرسملي الإنديكاتور دياجرام "
اللذيذ في الموضوع أني رسمته ( لأن فانكي كانت قالتلي عليه
)قالي " طب إشرحه "
قلتله " هنا ؟ ( وبشاور على الورقة ) "
قالي " لاء بكرة "
بكرة ؟؟
هيا العملية ناقصة ؟
قعدت أشرح فيه ... وأفتي وأزوق وأخترع ... المهم سلمته الورقة راح راميها على الطرابيزة والله العظيم وقالي أشرحهولي بقى تاني !!
أنا طبعا ماقلتش جملة مفيدة من كتر التوتر .... نظام " أصل لما البتاع ده بيطلع لفوق
... يقوم البتاعة ديه فاتحة ... عشان البتاع يطلع من الشكمان "طبعا هوا قالي " بااااس كدة ... أنت أسمك إيه "
أنا : " فلان الفلاني "
هو " طب بالسلامة "
طبعا وأنا ماشي ألقيت نظره على درجتي ... غالبا كان مديني سي أس جاما .... حيث جاما تئؤول إلى سالب مالا نهاية
وأنا والله ما أعصابي فلتت بعد الإمتحان وقعدت أزعق وأتنطط بعد الإمتحان وربنا يكرمه أحمد العزب إللي قعد يهدي فيا ويقولي معلش ويواسيني !
بغض النظر عن الموقف أنا ساعتها كنت حاسس بإيه !
بس كان موقف سوبر مسخرة
!ولغاية دلوقتي أنا محتفظ بالكشكول ده .... بس بقيت نبيه .... وأعدمت كل ما يتعلق بعم الدايس في الطبيعة
!لأن عم الدايس نهايته أن يؤول إلي ( سي ) ....
سي أس سالب مالا نهاية
أسامة عفيفي
8-11-2006
ليست هناك تعليقات:
إرسال تعليق