بلغني من مصادر موثوقة ....
بأحداث غير مسبوقة ....
أن بعض من الأشقياء ....
قد سولت لهم أنفسهم ...
وزين لهم الشيطان أعمالهم ...
وبدأوا بقذف المهندسين العظماء
أصحاب العطاء
والحب والإخاء
إنهم الدفء عندما يأتي الشتاء
كنيتهم ربطة العصماء
بالعلم أغنياء
بالحق أقوياء
وبالكبر هم أفقر الفقراء
إنهم مهندسي طاقة الكهرباء 
فقد قال الجهلاء
على لسان محي و مادو وعلاء
قال إيه ...
بيقولو على باور بقر ...
وهذه سمة الجهلاء ...
بل هي سمة اللئام ...
فقد أفلت من أيديهم الزمام ...
وصاروا يتهتهون بأي كلام ...
في عرض باور التمام ...
نقول لهم ...
مبروك عليكم الشغل المرطرط ....
فإجلس على الكمبيوتر وبطبط ...
وبأي خطة خطط ...
وبالهتافات العقيمة رطط !
فلنهنئ الرفاق ...
بكلام نفاق ...
حتى لا يحدث إنشقاق ...
ويصرخوا من الفرحة واق واق ..
بلاي إستيشن ثري نزل مصر ...
وإتفتحلكم باب رزق جديد
يبقى كدة بقى عندكم 5 أبواب
غير شغلانة البواب
إفتحوا سايبر ...
أو إسرحوا بكيسات ...
أو جمعوا كومبيوترات ...
أو أنصبوا على الناس !!
أما باور !
وما أدراك ما باور !
فهي خير مستقر !!
مش زي قسم البطيخ ...
أبو كلام زي الزرنيخ ...
فمهما دار الزمان !
فمادو بنصف لسان !
وعلاء بياكل لبان !
ومحي ده جعان !
وخير كنية لقسم الحاسب ...
حاسب لاتقع ....
أو حاسب على المشاريب !
فأنت لست بأريب !
ولا عقلك عقل سديد !
وستتخرج بلقب مديد ...
عاطل ويبحث عن عمل ولو ببعيد !!
--------------------------------------------------
أقوال مأثورة :
" باور ... أصل الحياة "
( جون باركر )
----------------------------------------------------------
" إذا أردت الفشل ... فبدخولك قسم الكمبيوتر بداية تحقيق ذلك "
( بيتر بيج بين )
"
---------------------------------------------------------------
ممكن مهندس كوبيوتر يعد يصمم برنامج لمدة 5 سنوات .... على شان يقفل آلة معينة ....
في حين أن مهندس باور ممكن يشد الفيشة !
"
( عم الدايس )
-----------------------------------------------------------------
" أنني ما زلت أتعجب ... كيف لعاقل أن يخير بين كومبيوتر وباور ... فهل من المعقول أن أخيرك بين الفقروالغنى ؟؟ "
( المستشرق المستنير ... سام فرانك )
-------------------------------------------------------------------
" لو عرض علي أن أعين في محلي مهندس كومبيوتر أو واحد من تجارة ... أكيد حختار بتاع تجارة على شان بيفهم في الحسابات "
( كريم طه – صاحب محل كومبيوتر )
--------------------------------------------------------------------------------
" ما الفرق بين : مهندس كومبيوتر خريج هندسة ... وخريج حاسبات ... وواحد من تجارة واخد كورسات ؟ "
الإجابة : النقابة
"
( الإجابة النموذجية لسؤال في أحد إمتحانات الآي كيو )
----------------------------------------------------------------------------------
" الباور هيا باور الحياة "
( صوفيا ماكلورين )
--------------------------------------------------------------------------------
"- لو خيرت بين باور و ...
* باور
- طب إسمع بقيت السؤال !!
* باور
"
( دوك فيليد )
------------------------------------------------------------
" أنا نفسي أخش كومبيوتر ... وكمبيوتر أحسن من باور بكتير جدا "
( أحد شخصيات عالم سم سم )
-----------------------------------------------------------
"- بابا ... بابا ... بابا ... هوا ليه عمو محمد دخل كومبيوتر وساب باور ؟
* ربنا لا تؤاخذنا بما فعل السفهاء منا ... عمك محمد ياحبيبي مش مطمني من ساعت ما شوفتوا ماسك كلب لولو وقاعد يقول " الديك الرومي أهو "
( حوار في أحد البيوت المصرية )
-----------------------------------------------------------
* وزارة النكت تبحث جديا عن سحب جميع النكت إللي في السوق إللي عن الصعايدة وإنزال نكت عن مهندسي الكومبيوتر
( الأهرام )
----------------------------------------------------------
" هوا حضرتك ليه دخلتي قسم كومبيوتر ؟
- انا كدة كدة حتجوز وأقعد في البيت
طب وحضرتك ؟
- على شان أجيب لابتوب وأقعد بيه في كافيه وأغيظ الناس "
( لقاء تلفزيوني في كلية الهندسة )
---------------------------------------------------------
مطلوب مهندس باور .. لشغلانة جامدة جدا في الخليج ... بمرتب خيالي ... لا يشترط الخبرة !
( إعلان وظيفة )
----------------------------------------------------------
مطلوب مهندس كومبيوتر ... على شان يعمل شاي للمهندس بتاع باور ... ويشترط الخبرة 5 سنين في هذا المجال
( إعلان وظيفة )
----------------------------------------------------------
" مطلوب زوج يعمل مهندس باور لفتاه حسناء أجمل من نيكول كيدمان وجوليا روبرتس ... لا للوسطاء ... لا لبتوع الكمبيوتر إللي بيستهبلوا "
( إعلان )
------------------------------------------------------
" شايف الراجل إللي ماشي عريان في الشارع ده ... ويجري ورا عربية الرش ؟
- لا حول ولا قوة إلا بالله .... أمال ساب إيه لبتوع كوبيوتر "
( حوار بين شيخين مسنين في أحد شوارع الجيزة )
---------------------------------------------------
* ليه بتوع كوبيوتر مش بيعرفوا يعدوا فلوس ؟
- على شان بيعدوها ( 0 – 01 – 10 – 11 – 100-101 ..... )
(نكتة)
---------------------------------------------------
المشهد الأول :
في أحد السكاشن ..
النهاردة ياجماعة حناخد الدرس الأول ... إزاي نفتح الكومبيوتر !
شايفن الزرار ده .... دوسوا عليه ...
يابني مش ده ... ديه الماوس .... ياغبي دي الشاشة .... ده صباعي يامتخلف 
!
-----------------------------------------
المشهد الثاني :
النهاردة حناخد تمرين مهم جدا ... زراير الماوس !
يالا ... كليك يمين ... كليك شمال ... كليك يمين ... كليك شمال ... كليك يمين ... كليك شمال .... كليك شمال .... هااااااااهاهاهاي.... إطلع برة يامادو 
!!
----------------------------------------
المشهد الثالث :
النهاردة حناخد كود مهم جدا !!
يالا ورايا ...
void static main string
لاء ياعلاء ... بلاش تعطش الg ... أرويها وقولها
أسامة عفيفي
1/12/2007
"
!!
....
!
!!
... لا ياعم ... عندك إيه بارد ؟ "
"
